طريقة تايلاندى الارز المقلى بالجمبرى

المكونات

• 3 ملعقة كبيرة زيت
• 1 فص ثوم مفروم
• 1 جزرة صغيرة مقشرة مبشورة
• 4 قطعة جمبرى (او محار) كبيرة مقشرة بدون قطع الذيل
• 1 بيضة مخفوقة
• ربع كيلو ارز بسمتى مطبوخ
• نص بصلة مفرومة
• 1 طماطم مفرومة
• نص ملعقة شاي ملح
• 1 ملعقة كبيرة صوص صويا
• 1 ملعقة شاي سكر
• 2 ملعقة كبيرة كزبرة مفرومة
• 2 ملعقة كبيرة ثوم مفروم

طريقة عمل الارز المقلى بالجمبرى (طريقة تايلاندى)

1. فى طاسة تسخنى الزيت على نار متوسطة، وتبتدى تشوحى الثوم والجزر مع بعض لغاية ما الجزر يدبل.
2. بعد كدة تضيفى الجمبرى وتفضلى تشوحيه لغاية ما ياخد اللون الروزى بتاعه، وتفضلى تقلبيه مع الجزر.
3. بعد كدة تضيفى عليهم البيضة المخفوقة، وتفضلى تقلبى فيهم لغاية ما البيضة تتقلى تماما.
4. ثم تضيفى الارز عليهم مع البصل وعصير الطماطم، وتقلبيهم كويس جدا.
5. بعد كده تضيفى عليهم التوابل ، الملح مع صوص الصويا والسكر، وتفضلى تقلبى لغاية ما الارز ياخد اللون البنى.
6. بعد كدة تضيفى علية الكزبرة والثوم على الوش.
7. ممكن تقدمية مع قطع الخيار وشرائح الليمون، وبالهنا والشفا...